Koh Tral- រឿងនិទានកោះត្រល់

ជ្រុងមួយនៃប្រវត្តិសាស្ត្រ
តើនគរខ្មែរបាត់បង់កោះត្រល់ពីពេលណាមក? តើកម្ពុជាពិតជាបានបាត់ដោយសារលោក Jules Brévié? តើកោះនេះបាត់មុន ឬក្រោយឆ្នាំ១៩៧៩?

 

សាកល្បងស្តាប់ជនបរទេសនិទាន!

សេចក្តីសង្ខេបរឿងនិទានកោះត្រល់របស់ជនបរទេស
-​ នគរខ្មែរបានបាត់បោះដីកោះនេះតាំងពីមុនបារាំងចូលមកកាន់កាប់ដែនដីកូសាំងស៊ីន​ និងឥណ្ឌូចិនទៅទៀត។
-​ បើតាមអ្នកស្រាវជ្រាវ​ អ្នកដំណើរ​ មន្ត្រីរាជការអាណានិគមន៍បារាំង​ ទាំងមន្រ្តីធ្វើការនៅកម្ពុជា​ ទាំងមន្ត្រីធ្វើការនៅដែនដីកូសាំងស៊ីន​ និងឯកសាររដ្ឋបាលខ្លះ​ សុទ្ធតែបញ្ជាក់ថាដីកោះនេះស្ថិតក្នុងដែនរដ្ឋបាលរបស់ខេត្តពាម​ ឬខេត្តហាទៀង​តាំងពីមុនបារាំងចូលមកធ្វើជាអាណាព្យាបាលខ្មែរ​ រហូតដល់ចប់អាណានិគមន៍។


-​ រឿងចៅហ្វាយខេត្តកំពតក្នុងសម័តអាណានិគមន៍ពុលរលក​ មិនអាចទៅទារពន្ធអាករនៅលើកោះនោះបាន​ ហើយសំរេចប្រគល់ដីកោះទៅរដ្ឋបាលខេត្តហាទៀងគឺជារឿងប្រឌិតឡើង។​ រឿងនេះត្រូវគេនិទានតាំងពីទស្សវត្សន៍ឆ្នាំ១៩៦០។
-​ លោក​ Jules Brévié មិនបានកាត់ដីកោះនេះពីខ្មែរទៅឱយកូសាំងស៊ីនទេ​។​ ដីកោះនេះស្ថិតក្រោមដែនរដ្ឋបាលរបស់ខេត្តពាមឬហាទៀងតាំងពីមុនគាត់មកដល់ឥណ្ឌូចិនទៅទៀត។
-​ ក្រោយទទួលបានឯករាជ្យពីបារាំង​រហូតមកដល់សព្វថ្ងៃ ពុំឃើញមានទិដ្ឋតាងជាក់លាក់ណាមួយដែលបញ្ជាក់ថាកម្ពុជាបានគ្រប់គ្រងដីកោះនេះឡើយ។
-​ សន្ធិសញ្ញាកម្ពុជាវៀតណាមឆ្នាំ២០០៥​ មាននិយាយតែព្រំដែនគោក​ មិនទាន់មាននិយាយពីព្រំដែនទឹកឡើយ។
"ជឿអ្វី​ត្រូវជឿដោយបញ្ញា។​ កុំជឿព្រោះតែជាពាក្យគ្រូថា​ កុំជឿព្រោះតែគម្ពីរបានចែង​ និងកុំជឿព្រោះតែយើងចង់ជឿ។"​ ព្រះសម្មាសម្ពុទ្ធ